Edicioni i katërt i “Big Brother VIP” ka nisur me risi dhe dinamika të reja që kanë shtuar emocionet dhe intrigën për publikun dhe banorët. Një prej elementëve më të veçantë këtë sezon janë 6 kutitë e avantazheve, të vendosura në korridorin e shtëpisë. Çdo kuti përmban një avantazh të madh, por edhe një penalizim potencial, siç paralajmëroi edhe moderatori Ledion Liço në natën e parë të spektaklit.

Avantazhet dhe penalizimet e kutive:

Sipas rregullave të shpallura, çdo kuti mund të përmbajë:
Biletë kthimi
Çek me vlerë 5000 euro
Unazë
Informacion nga jashtë
Ftesë për personin e zemrës
Imunitet

Por, çdo avantazh vjen i shoqëruar me një penalizim të mundshëm, që mund të jetë individual ose kolektiv për të gjithë banorët.

G-Bani thyen kutinë e parë dhe humb të drejtën për çmimin e madh

Banori i parë që mori guximin të thyente një nga kutitë ishte G-Bani, i cili zgjodhi kutinë që përmbante një çek me vlerë 5000 euro. Pas thyerjes së kutisë, reperi shprehu me ironi:
“Ishalla ka penalizim kolektiv, për të gjithë. Imunitet nuk mora se nuk desha, vajtje-ardhje…”

Megjithatë, penalizimi ishte tejet i rëndë dhe personal: G-Bani humbi të drejtën për të fituar çmimin e madh prej 100,000 eurosh, edhe në rast se do të shpallet fitues në finale.

Kur Livia e pyeti: “E ça i bie, do dalësh?”, G-Bani u përgjigj: “Po.”

Më pas, Rozana lexoi zarfin që përmbante penalizimin:
“Ti sapo humbe të drejtën për të fituar 100,000 euro të çmimit të madh në rast se do të jesh ti fituesi i çmimit të madh.”

Ky moment ka shkaktuar reagime të shumta brenda shtëpisë, ndërsa publiku po ndjek me kureshtje vazhdimin e lojës dhe strategjitë që banorët do të ndjekin për të shmangur penalizime të tjera të rënda.