“Big Brother VIP Albania” pritet të rikthehet së shpejti në ekran për edicionin e katërt, dhe pritshmëritë janë tepër të larta. Ky spektakël, i njohur për grumbullimin e figurave publike në një shtëpi për më shumë se 100 ditë, ka fituar një popullaritet të jashtëzakonshëm në Shqipëri dhe jashtë saj, duke tërhequr gjithmonë më shumë audiencë me çdo edicion të ri.

Për edicionin e këtij viti, përflitet se do të marrin pjesë një grup artistësh dhe personazhesh të njohura nga fusha të ndryshme, duke përfshirë këngëtarë, aktorë dhe figura të njohura televizive. Një nga emrat më të përfolur ka qenë këngëtari Young Zerka, por ardhja në jetë e fëmijës së tij mund të ketë ndikuar në ndryshimin e planeve të tij për pjesëmarrje.

Në mesin e emrave të përfolur për pjesëmarrësit e këtij edicioni janë:

1. Devi & Dori (dyshja e “Fiks Fare”) si konkurrent i vetëm
2. Visjan Ukcenaj
3. Cubi Metkaj
4. Enxhi Nasufi
5. Sara Hoxha
6. Kastro Zizo
7. Eugent Bushpepa
8. Bledi Beqiri
9. Ritvana Fetahu
10. Rinian Leka

Ndryshe nga sezonet e mëparshme, informacionet rreth edicionit të ri janë tepër të kufizuara, duke shtuar kështu kureshtjen dhe spekulimet se çfarë surpriza do të sjellë programi këtë herë. Me shumë gjasa, shumë nga detajet dhe surprizat do të zbulohen vetëm pas nisjes së spektaklit, çka rrit edhe më shumë emocionet e fansave për këtë event të shumëpritur.