Botërori i Katar pritet të jetë i fundit për shumë yje të futbollit. Leo Messi e ka shprehur publikisht, për të ky është Botërori i fundit me përfaqësuesen argjentinase, shansi i fundit për të thyer mallkimin që e përndjek prej vitesh, pasi në CV e tij mbresëlënëse i mungon vetëm ky trofe i artë. Messi është i vetëdijshëm se nëse e arrin një sukses i tillë pa diskutim do të jetë më i miri në histori.
C.Ronaldo flet me nëse, psh, nëse arrin të shpallet kampion bote, jo vetëm që e mbyll me përfaqësuesen, por e mbyll edhe me futbollin e luajtur, nëse mposht Messi-n në finale. Ronaldo sheh me larg se ky Botëror, synon të jetë me Portugalinë edhe në “Euro2024”, por më parë të shohim se si do të shkojë ky Botëror. Dy yjet e futbollit Botëror më në fund u bashkuan në një foto për Louis Vuitton duke luajtur shah, i tillë është ky Botëror për dy lojtarët më të famshëm të këtij turne.
Mund të jetë Botërori i fundit edhe për Neymar, kështu u shpreh sulmuesi i seleçaos pak ditë më parë. E sigurt që ky ishte Botërori i fundit për Benzema, për fat të keq nuk ia doli të ishte i pranishëm. Ky është “last dance” edhe për Luka Modric, kapiteni i Kroacisë ka njoftuar tërheqjen pas këtij Botërori. I fundit pritet të jetë edhe për Robert Lewandowski-n dhe shumë yje të tjerë, një brez i artë lojtarësh i lindur në vitet 80 që për afro dy dekadash pushtuan botën e futbollit.
