Keijsi Hyseni risjell tensionin në Big Brother VIP: fjalët e rënda ndaj Stelinës shkaktojnë reagime

Një tjetër episod i tensionuar ka përshkuar shtëpinë e “Big Brother VIP”, ku banori Keijsi Hyseni është rikthyer në qendër të polemikave për gjuhën e përdorur ndaj ish-partneres së tij, Stelinës.

Gjatë një bisede me Inën, Keijsi është parë i revoltuar dhe ka përdorur fjalë ofenduese në adresë të Stelinës: “Bravo Stelina, të q**sha robt, nuk më plas trpi që ka kamera”*. Pavarësisht përpjekjeve të Inës për ta qetësuar, situata ka shkaktuar reagime të menjëhershme jashtë shtëpisë.

Familjarët e Stelinës kanë reaguar përmes llogarisë së saj në Instagram, duke theksuar: “E kuptojmë që është një lojë dhe ka dinamikat e veta, por për ne, me këtë, është kaluar çdo kufi i pranueshëm. PRESIM QE RREGULLAT E FORMATIT TË ZBATOHEN!”

Edhe ndjekësit e programit kanë kërkuar nga produksioni që të ndërmerren masa ndaj banorit dhe të garantohet respektimi i rregullave të formatit. Ky incident ngre sërish diskutime mbi sjelljen dhe kufijtë e lejuar brenda shtëpisë së Big Brother VIP, duke nxitur debate mbi etikën dhe kontrollin e emocioneve gjatë lojës.