Pasditen e djeshme, më datë 9 mars një aksident tragjik ndodhi në rreth-rrotullimin pranë qendrës tregtare TEG, ku automjeti “Audi A8” me drejtues 19-vjeçarin Klevis Ruçaj, që ishte duke udhëtuar në unazën lindore me drejtim lëvizje nga Farka, si pasojë e hpejtësisë jashtë normave të lejuara mjeti “fluturoi” rrëth 15 metra duke përfunduar i shkatërruar në nënkalimin e autostradës Tiranë-Elbasan.

Në aksident ndërruan jetë në vendngjarje dy vajzat pasagjere, të identifikuara si Sikela Përroj 23-vjeçe dhe Erisilda Abedini 22-vjeçe, të dyja banuese në kryeqytet ndërsa drejtuesi humbi jetën pasi u transportua në Spitalin e Traumës.

Ditën e sotme janë shënuar sërish dy aksidente me pasojë vdekje në Durrës dhe Kavajë, ku një makinë tip “Golf” ka përfunduar në kanal dhe si pasojë ka ndërruar jetë në vendngjarje një 30-vjeçare. Ndërsa në qytetin e Durrësit një person i cili ishe duke lëvizur me biçikletë u përplas për vdekje nga një betionere ku dyshohet se shoferi ka qënë në gjendje të dehur.

Një një hark kohor relativisht shumë të shkurtër, ende pa u plotësuar 24 orë, në vendin tonë janë shënuar 5 vdekje, që të gjitha si pasojë e aksidenteve rrugore. Tragjitë e njëpas njësjme kanë ardhur si pasojë e mosrespektimit e sinjalistikës, kalimin e shpejtësinë tej normave të lejuara, drejtimin e mjetit nën ndikim e akloolit apo edhe shpërqëndrimi në timon. Si duhet shoqëria jonë është në rrezik dhe “krizë” të thellë.