Brigitte Macron ka tërhequr vëmendje në Paris, duke marrë një rol të pazakontë përtej angazhimeve të saj zyrtare. Zonja e Parë e Francës u shfaq si DJ në një aktivitet bamirës, në kuadër të fushatës “Pièces Jaunes”, e shoqëruar nga ish-trajneri i kombëtares franceze të futbollit, Didier Deschamps.

Të mërkurën, më 14 janar, Brigitte Macron mori pjesë në aktivitetin e organizuar në kuadër të Operation Pièces Jaunes, një nismë që mbështetet nga Disneyland dhe që synon të ndihmojë fëmijët e shtruar në spital. Rreth 300 fëmijë dhe familjet e tyre përjetuan një ditë të veçantë, të mbushur me muzikë, lojëra dhe aktivitete argëtuese.

Si presidente e Fondation des Hôpitaux de France, Brigitte Macron ishte në qendër të eventit, ndërsa Didier Deschamps, në rolin e ambasadorit të fushatës, iu bashkua nismës për të sjellë një atmosferë festive dhe shpresë për të vegjlit.

Në një video të publikuar nga “Paris Match”, Brigitte Macron shihet duke u argëtuar pas pultit të DJ-së, duke luajtur muzikë dhe duke krijuar një ambient pozitiv për fëmijët, një moment që u prit me entuziazëm dhe buzëqeshje nga të pranishmit.