Pas sqarimeve të bëra gjatë spektaklit të mbrëmshëm, Brikena ka folur hapur në dhomën e rrëfimit për marrëdhënien e saj me Mateon. Banorja tregoi se, pavarësisht afrimit dhe kohës së kaluar bashkë, nga ana e saj nuk ka lindur ende një ndjenjë sentimentale.

“Nuk ekziston asnjë pëlqim i vërtetë nga ana ime,” tha ajo, duke shtuar se kjo situatë e vë në një pozicion të vështirë. Brikena shprehu shqetësimin se publiku dhe banorët e tjerë mund ta perceptojnë negativisht, veçanërisht duke ditur interesin që Mateo ka treguar për të.

Sipas saj, në situata të tilla personi që nuk ndjen të njëjtën gjë shpesh shihet si “fajtori”, ndërsa ai që ka pëlqim ndikohet emocionalisht, gjë që e bën atë të ndihet e sikletshme dhe të shqetësuar për gjykimin jashtë shtëpisë.