Partia e Lirisë ka konfirmuar se në qarkun e Fierit, në vend të kryetarit të saj, Ilir Meta, do të kandidojë Brunilda Haxhiu, e cila do të jetë pjesë e listës së mbyllur të koalicionit “PD–Shqipëria Madhështore”.

Haxhiu, që mban pozicionin e Zv/Sekretares së Përgjithshme dhe Sekretares për Familjen dhe Kundër Shpopullimit në Partinë e Lirisë, është cilësuar si një përfaqësuese autoktone për këtë qark.

Zyrtarizimi i kandidaturës së saj pritet të ndodhë gjatë mbledhjes së strukturave të PD pasditen e sotme. PL ka deklaruar se ka siguruar një përfaqësim të barabartë gjinor në përzgjedhjen e kandidatëve të saj dhe ka shprehur besimin se Fierit do t’i ofrohet një alternativë e fortë për zgjedhjet e ardhshme.