Një ngjarje e jashtëzakonshme ndodhi në qendrën e Tiranës, tek Teatri i Operës dhe Baletit, ku një çakall u paraqit pranë klientëve të një lokali. Situata e papritur la qytetarët të shpërthejnë në thirrje për ndihmë nga policia bashkiake.

Qytetarët e shqetësuar njoftuan menjëherë autoritetet për praninë e një gjitari, një pamje e pazakontë për një qytet të madh. Video e siguruar nga Report Tv tregon momentin kur ekspertët e agjencisë së parqeve dhe rekreacionit përpiqen të kapin çakallin.

Gjitari, i cili shihet i fshehur mes luleve në një vazo, nuk është i kënaqur me praninë e njerëzve dhe tregon shenja agresiviteti. Përpjekja për ta kapur sjell një reagim të shpejtë nga gjitari, ndërsa klientët e lokalit dhe qytetarët që ishin pranë ndjekin ngjarjen me kureshtje.

Pas përpjekjeve të shumta, policia bashkiake arriti të kapte gjitarin dhe ta izolonte në një kafaz. Çakalli u dërgua në Kopshtin Zoologjik në Tiranë për të kaluar kontrolle veterinarie dhe karantinë, duke shmangur rreziqet e sëmundjeve që mund të kishte përcjellë.