Një vit më parë supermodelja Cara Delevingne u filmua nga paparacët duke bërë veprime të çuditshme teksa zbriste nga avioni i saj, ecte zbathur në asfalt dhe bënte gjeste të pakontrolluara.

Videot bënë xhiron e rrjetit dhe supermodelja ka folur për herë të parë për problemet e saj të varësisë ndaj substancave narkotike që kur filloi trajtimin, duke thënë se të qenurit esëll ia vlente çdo sekondë të procesit të rikuperimit.

Ajo foli për përvojat e saj gjatë një interviste me Elle UK duke treguar se për të kjo fazë e jetës nuk ka qeë aspak e lehtë.

“Nuk ka qenë e lehtë, por nuk ka pasur kurrë momente kur unë thoja: “Kjo nuk ia vlen”, tha ajo për revistën.

“Ia vlente çdo sekondë. Thjesht nuk e di se çfarë do të më duhej për të hequr dorë. Unë jam e më e qëndrueshëme. Jam më e qetë.”

“Për një kohë të gjatë, ndihesha sikur fshihesha shumë nga njerëzit që më shikonin. Më në fund ndihem sikur mund të jem e lirë dhe vetvetja, plotësisht,” shtoi ajo.

Në vitin 2022, Delevingne mori vendimin për të kontrolluar veten në një qendër rehabilitimi për çështje të abuzimit me substancat, gjë që nuk është kurrë një vendim i lehtë për këdo. Ajo pranoi se fotot e paparacëve që u shfaqën duke treguar sjellje të çrregullta në një aeroport e bën të reflektojë mbi situatën që ndodhej.