Në ceremoninë që po mbahet në kuadër të 100 vjetorit të marrëdhënieve diplomatike mes SHBA dhe Shqipërisë, kryeministri Edi Rama nuk ka lënë pa “thumbuar” edhe ish presidentin IlirMeta dhe ish kryeministrin Sali Berisha.

Duke mos u përmendur emrat, Rama tha se aktualisht kishte politikanë të së shkuarës të cilët kishin frikë nga Reforma në Drejtësi sepse ishin të damkosur nga SHBA.

Kryeministri, Edi Rama: Duhet ta durojmë me buzëqeshje dhe kënaqësi protagonizmin e ambasadorëve amerikanë në Shqipëri. Sepse kështu e kanë dashur shqiptarët. Ambasadorët amerikanë janë në shtëpinë e tyre këtu. Pa SHBA-të, Shqipëria nuk do ishte e gatshme të përballej me të keqen dhe të shkuarën e cila vazhdon të shfaqet para nesh në forma nga më të ndryshmet duke nisur nga komunizmi me figura të cilat ne mendojmë se i ka tretur e kaluara por papritmas na dalin përpara.

Në vendin tonë nuk ka një forcë të mundshme anti-amerikane dhe anti-europiane. Edhe kur ka mllef dhe ndenjë hakmarrje ndaj politikës së SHBA-ve, kjo sfhaqet në formën e një gare dashurie se kush e do më shumë Amerikën madje duke thënë se e duan edhe më shumë se vetë ambasadorja. Por është shumë domethënës se nuk ka këtu një burrë që t’ua thotë SHBA-ve se është kundër Reformës në Drejtësi, apo se u vjen frikë të dalin nga shtëpia se janë të damkosur në ballë.