Ceremonia e Oscars 2021 është shtyrë, megjithatë premton shumë. Organizatorët kanë vendosur të bëjnë edhe këtë vit një ceremoni siç i ka hije një shfaqjeje të tillë si Oscars, duke respektuar rregullat e distancimit social. Sidoqoftë, një lajm i publikuar së fundmi ishte i mjaftueshëm që të kuptonim se do të jetë një mbrëmje e paharrueshme.
Brad Pitt do të jetë një nga drejtuesit. Lajmin e dhanë Jesse Collins, Stacey Sher dhe Steven Soderbergh, producentët e shfaqjes, të cilët më në fund kanë filluar të zbulojnë disa detaje të mbrëmjes së shumëpritur.
Le të fillojmë duke thënë se mbrëmja nuk do të zhvillohet tërësisht në Teatrin Dolby në Hollywood, ku mbahet zakonisht. Këtë vit, është planifikuar një tjetër vendndodhje kaliforniane: Union Station në qendër të Los Angeles. Formati i këtij edicioni të 93-të të Academy Awards ka qenë subjekt i shumë debateve: Pandemia nuk lejon një shfaqje të zakonshme sigurisht, por, në të njëjtën kohë, prodhuesit preferojnë që kandidatët të marrin pjesë personalisht, sesa përmes Zoom.
“Ne po bëjmë gjithçka për të siguruar një mbrëmje të sigurt dhe argëtuese për të gjithë ju, si dhe për të gjithë miliona adhurues të filmave në të gjithë botën, dhe ne besojmë se elementët virtualë mund t’i minimizojnë këto përpjekje,” shpjeguan organizatorët.
