Kryetarja e KLGJ-së Naureda Llagami është duke prezantuar hartën e re gjyqësore që do të ketë vendi, që pritet që t’i hapë rrugë ndryshimeve të rëndësishme në gjykata.
Llagami tha se koncepti i KLGJ-së është që të ketë një numër më të vogël të gjykatave, e cila do të përkthehet në cilësi më të mirë në shërbim.
“Koncepti ynë është më pak gjykata dhe më shumë cilësi, ne jemi të hapur për të diskutuar shqetësimet, marrja e përgjegjësive kërkon kurajo, si kostot sot ashtu dhe arritjet nesër“, tha Llagami.
Ndërkohë që ministri i drejtësisë Ulsi Manja tha se në gjykatat që pritet të mbyllen në disa rrethe të vendit, për qytetarët do të vijojnë që të jepen shërbime administrative.
“KLGJ duhet të kujdeset që në të gjitha godinat që kanë qenë deri sot Gjykatat, të ketë punonjës të administratës, që të presin kërkesë paditë e qytetarëve. Ky propozim është balancim i disa objektivave”, tha Manja.
Harta e re gjyqësore që propozohet nga KLGJ:
Gjykatat e shkallës së parë nga 22 që janë aktualisht do të jenë 12
2 Gjykata Administrative
Një Gjykatë e Apelit Administrativ në Tiranë
1 Gjykatë e Përgjithshme Apeli në Tiranë
Gjykatat e propozuara të shkallës së parë të juridiksionit të përgjithshëm janë, si vijon:
Gjykata e Shkallës së Parë e Juridiksionit të Përgjithshëm Berat
Gjykata e Shkallës së Parë e Juridiksionit të Përgjithshëm Elbasan
Gjykata e Shkallës së Parë e Juridiksionit të Përgjithshëm Tiranë
Gjykata e Shkallës së Parë e Juridiksionit të Përgjithshëm Vlorë
Gjykata e Shkallës së Parë e Juridiksionit të Përgjithshëm Dibër (bashkuar me Gjykatën e Matit)
Gjykata e Shkallëssë Parë e Juridiksionit të Përgjithshëm Durrës (bashkuar me gjykatat e Kavajës dhe Krujës)
Gjykata e Shkallës së Parë e Juridiksionit të Përgjithshëm Fier (bashkuar me Gjykatën e Lushnjës)
Gjykata e Shkallës së Parë e Juridiksionit të Përgjithshëm Gjirokastër (bashkuar me gjykatat e Sarandës dhe Përmetit)
Gjykata e Shkallës së Parë e Juridiksionit të Përgjithshëm Kukës (bashkuar me Gjykatën e Tropojës)
Gjykata e Shkallës së Parë e Juridiksionit të Përgjithshëm Korçë (bashkuar me Gjykatën e Pogradecit)
Gjykata e Shkallës së Parë e Juridiksionit të Përgjithshëm Lezhë (bashkuar me Gjykatën e Kurbinit)
Gjykata e Shkallëssë Parë e Juridiksionittë Përgjithshëm Shkodër (bashkuar me Gjykatën e Pukës)
Propozimi për Gjykatat e Apelit të Juridiksionit të Përgjithshëm
Mbështetur në të dhënat e disponueshme, Grupi i Punës propozon shkrirjen e gjashtë gjykatave rajonale të apelit në një gjykatë të vetme, Gjykata Kombëtare e Apelit e Juridiksionit të Përgjithshëm, duke marrë për shembull modelin e Gjykatës së vetme Administrative të Apelit dhe Gjykatës së Posaçme për Korrupsionin dhe Krimin e Organizuar.
Duke ndjekur të njëjtën strukturë si i gjithë raporti, gjykatat individuale të apelit renditen të gjitha si më poshtë, shoqëruar me rezultatet e tyre individuale të mbështetura në treguesit e caktuar, dhe në përfundim, ndiqen nga seksioni i përfundimeve.
Vlerësimi i detajuar për gjashtë gjykatat e apelit të juridiksionit të përgjithshëm tregon se ndonëse 4 gjykata kanë ngarkesë pune të mjaftueshme për të justifikuar minimumin prej 10 gjyqtarësh të kërkuar nga ligji, rrethanat aktuale nxjerrin në pah nevojën për shkrirjen e të gjitha gjykatave për të garantuar akses në drejtësi në kohë te të gjitha nivelet e apelit.
