Chris Martin dhe Dakota Johnson janë ndarë përfundimisht pas një lidhjeje që filloi në vitin 2017. Vokalisti i Coldplay dhe aktorja, të cilët u fejuan disa vjet më parë, tani thuhet se kanë pranuar se marrëdhënia e tyre ka mbaruar.

Këtë fundjavë, Dakota Johnson u fotografua pa unazën e saj të fejesës, teksa shëtiste me qenin e saj në Malibu, ku kishte jetuar me Chris Martin. Ky veprim vjen pas një ndarje të shkurtër që ndodhi në vitin 2019, e cila u përfol të kishte lidhje me presionin për të pasur fëmijë, por çifti u ribashkua më pas.

Pavarësisht raporteve dhe thashethemeve që qarkullojnë për një ndarje të mundshme, një përfaqësuese e aktores së Madame Web thotë për PEOPLE se ajo dhe këngëtari i Coldplay nuk kanë bërë rrugë të ndara.

“Ata janë të lumtur së bashku,” thotë përfaqësuesi për Johnson, 34 vjeç dhe Martin, 47 vjeç.

Së fundmi, çifti u pa në Festivalin Glastonbury në Mbretërinë e Bashkuar, ku Johnson ishte gati për të mbështetur të fejuarin e saj gjatë setit kryesor të grupit të tij.

Pjesëmarrja e Johnson në koncertin e Martin erdhi pasi një burim i tha PEOPLE se marrëdhënia e çiftit ishte në një vend të mirë.

“Ata kanë pasur ulje dhe ngritje, por tani ata patjetër janë rikthyer ”, tha insajderi në atë kohë, duke shtuar se dyshja po “duke shkuar fuqishëm”..