Pas një hetimi të pavarur mbi akuza të “sjelljes së papërshtatshme”, Christian Horner do të vazhdojë të jetë në postin e drejtorit të ekipit të Red Bull në Formula 1. Kompania mëmë, Red Bull GmbH, njoftoi se hetimi ka përfunduar dhe ankesa është hedhur poshtë, duke e çuar këtë çështje në mbyllje.

Horner, 50-vjeçari i cili e mohoi prerazi akuza të tilla, ka mbërritur në Bahrein përpara garës hapëse të sezonit të Formula 1 të kësaj fundjave dhe do të vazhdojë të udhëhoqë ekipin britanik.

Në një deklaratë, Red Bull thotë se hetimi ka qenë i drejtë, rigoroz dhe i paanshëm, dhe se ata do të vazhdojnë të përpiqen për të përmbushur standardet më të larta të vendit të punës. Raporti i hetimit është konfidencial dhe përmban informacione private, ndaj nuk do të komentojnë më tej për respekt të palëve të përfshirë.

“Raporti i hetimit është konfidencial dhe përmban informacione private të palëve dhe palëve të treta që ndihmuan në hetim, prandaj ne nuk do të komentojmë më tej për respekt të palëve. Red Bull do të vazhdojë të përpiqet për të përmbushur standardet më të larta të vendit të punës.”

Gjatë hetimit, Horner ka bashkëpunuar plotësisht dhe ka vazhduar të jetë i pranishëm në aktivitetet zyrtare të Red Bull, duke përfshirë prezantimin e makinës së re dhe testimin parasezonal në Bahrein.