Drejtori i CIA-së, William Burns, ka shqetësime të mëdha për fatin e Ukrainës në përballje me Rusinë. Sipas tij, pa mbështetjen e re nga SHBA-ja, ka rrezik që ukrainasit të humbasin luftën deri në fund të vitit.

Ndërkohë, në Kongresin Amerikan pritet të votohet për ndihmat e reja për Ukrainën. Në një zhvillim të rrallë dypartiake, Dhomat e Përfaqësuesve miratuan një paketë ndihmash prej 95 miliardë dollarësh për Izraelin, Ukrainën dhe aleatët në Azi. N

Ndërsa, në një video-konferencë me vendet anëtare të NATO-s, Sekretari i Përgjithshëm Jens Stoltenberg tha se NATO-ja është gati të ofrojë Ukrainës sisteme shtesë për mbrojtjen ajrore.

Vendet e NATO-s i premtojnë Ukrainës ndihmë për mbrojtjen ajrore

Sipas Sekretarit të Përgjithshëm, Jens Stoltenberg, vendet e NATO-s duan t’i ofrojnë Ukrainës sisteme shtesë për mbrojtjen ajrore. “NATO ka inventarizuar burimet ekzistuese brenda aleancës dhe ka sisteme që mund të vihen në dispozicion të Ukrainës”, tha Stoltenberg pas një video-konference me ministrat e Mbrojtjes të vendeve anëtare të NATO-s dhe presidentin ukrainas Volodymyr Zelenski