Në këtë të martë, çmimi i naftës bruto në tregjet ndërkombëtare ka zbritur në nivelin më të ulët që prej fundit të vitit të kaluar.

Sipas të dhënave të fundit, një fuçi nafte po tregtohet në bursë me 77 dollarë, duke u ulur nga 82 dollarë që ishte në fund të muajit maj.

Kjo ulje vjen pas njoftimit të OPEC (Organizata e Vendeve Eksportuese të Naftës) të dielën se do të fillojë të heqë gradualisht kufizimet e prodhimit të naftës gjatë 12 muajve të ardhshëm, fillimisht nga tetori 2024. Sulmi me dronë dhe raketa i Izraelit nga Irani, i ndodhur pak javë më parë, kishte prekur drejtpërdrejt tregjet e naftës, duke çuar çmimin për fuçi në nivelin 90 dollarë, vlerë kjo e arritur për herë të fundit në tetor të vitit të kaluar.

Në Shqipëri, çmimet e naftës janë në rënie. Në këtë moment, një litër naftë po tregtohet me 184 lekë, krahasuar me 188 lekë që ishte më parë. Benzina po shitet në pikat e karburantit për 183 lekë, ndërsa gazin e lëngshëm mund ta blini me 59 lekë litri.