Çmimi i naftës në Shqipëri, që nuk ul asnjëherë kësaj vere, goditi në veçanti mijëra emigrantë që si çdo verë kthehen tek familjet e tyre.

Luçiano Boçi, kreu i Grupit Parlamentar të PD-së, gjykon se një akt i tillë është mirëmenduar nga qeveria dhe i ashtuquajturi Bordi i Transparencës, pasi që të dyja palët e kanë llogaritur me detaje fitimin, duke e ditur numrin e automjeteve që vijnë nga jashtë dhe qarkullojnë nëpër Shqipëri gjatë verës.

“Ka një arsye themelore që çmimi i naftës në Shqipëri rritet e nuk u ul asnjëherë, përkundrejt rënies së tij në bursa, – thotë Boçi në një shënim në Fb. – Arsyeja është sa e thjeshtë aq dhe kanibaleske. Kjo është periudha kur sasia e mjeteve në qarkullim dyfishohet dhe kërkesa për karburant gjithashtu, sepse emigrantët e shumtë kthehen në vendlindje dhe me pushime.

Grabitqari këtë rast pret për të sulmuar prenë e vet. Rama këtë ka pritur për të rrjepur emigrantët e qytetarët!

E shndërron sentimentin njerëzor të mallit për vendin, në mall për fitimin e vet marramendës”, shkruan Boçi