Mëngjesin e sotëm në spitalin COVID 3 kati i parë i godinës është përfshirë nga zjarri. Fatmirësisht në këtë kat nuk ka persona të shtruar, ku trajtohen të sëmurë me koronavirus.
Policia e Tiranës ka reaguar në lidhje me zjarrin që ra sot në ambientet e COVID3.
Sipas bluve, nga zjarri ka pasur vetëm dëme materiale, ndërsa vatra është vënë nën kontroll dhe është shuar.
NJOFTIMI I POLICISË
Me datë 27.11.2021, te spitali “Covid 3” ka rënë zjarr në një nga zyrat e administratës, ku ka vetëm dëme materiale.
Shërbimet zjarrfikëse kanë bërë të mundur fikjen e zjarrit.
Grupi Hetimor është në vendngjarje dhe po punon për sqarimin e rrethanave të rënies së zjarrit.
