Cristiano Ronaldo dhe Georgina Rodríguez, që nga transferimi i yllit portugez te Al Nassr, kanë jetuar në Riad, Arabinë Saudite, së bashku me pesë fëmijët e tyre. Megjithatë, kohët e fundit, çifti është përballur me kërcënime serioze dhe mesazhe alarmante në rrjetet sociale, duke i detyruar të marrin masa shtesë sigurie.

Sipas LOOK, pas publikimit të fëmijëve të tyre në reality show “Soy Georgina”, ata kanë marrë mesazhe fyerëse dhe kërcënuese, çka ka bërë që Georgina të fshehë fytyrat e fëmijëve në fotot e saj në rrjetet sociale.

Sipas revistës portugeze “Nove Gente”, çifti ka shtuar katër truproja dhe dy roje sigurie në ekipin e tyre, për të garantuar mbrojtjen e familjes. Gjithashtu, ata kanë ndryshuar adresën e banimit në një rezidencë me sistem të avancuar mbikëqyrjeje në Riad.

Pavarësisht këtyre sfidave, Cristiano vazhdon të shkëlqejë në fushë, ndërsa Georgina vazhdon të rritë perandorinë e saj të biznesit. Çifti mbetet një nga më të fuqishmit dhe më të pandalshmit në botën e futbollit dhe të biznesit.