Cristiano Ronaldo ka vendosur një tjetër rekord jashtë fushës së lojës, duke u bërë futbollisti i parë miliarder në histori, por për portugezin, sfidat e vërteta mbeten ato në fushë.

Gjatë grumbullimit me kombëtaren e Portugalisë, ku u vlerësua me një trofe për karrierën e tij 22-vjeçare, Ronaldo tha se nuk ka ndërmend të ndalet, pavarësisht moshës dhe këshillave nga familja:

“Familja më thotë të ndalem, por unë vijoj të bëj gjëra të mira për klubin dhe për përfaqësuesen. Kam ende të njëjtin pasion si dikur. E di që nuk do të kem shumë vite për të luajtur, por në ato që më kanë mbetur dua të jap maksimumin.”

Ylli 39-vjeçar theksoi se dashuria për fanellën e Portugalisë mbetet po aq e fortë si në ditën e parë:

“Jam prej 22 vitesh në përfaqësuese, kjo flet vetë. Kam të njëjtën uri për të fituar, për të luajtur për vendin tim. Po të mundja, do të luaja vetëm për Portugalisë, por kjo është jeta e një futbollisti.”

Ronaldo vazhdon të jetë simbol i pasionit dhe përkushtimit, duke treguar se rekorde të reja mund të arrihen në çdo moshë, kur dashuria për futbollin mbetet e pandryshuar.