Dalina Buzi e ka përshkruar divorcin e saj, që ndodhi dy vite më parë, si një “tërmet 7 ballë”. Në një intervistë për podcastin e Alketa Vejsiut, Dalina ka ndarë ndjenjat e saj për këtë periudhë të vështirë të jetës. Ajo ka treguar se u përpoq të mblidhte veten, por gjithsesi e kuptoi se nuk kishte më kthim pas. Pas 15 vitesh martesë, ajo nuk ishte e përgatitur për ndarjen, por thekson se nuk mund të vazhdonte më, pasi kishte krisje dhe çarje të mëdha mes tyre.

Ra një tërmet, ishtë një tërmet i madh. Ai moment është tërmet 6-7 ballë dhe secili duke mbledhur ato copat e veta, dikush pak më gjatë, dikush pak më shkurt, por u ndje që ishtë mbyllja, u ndje që nuk kishte kthim mbrapa. Sado që ti të jesh i përgatitur, ta dish, ta ndjesh se marrëdhënia nuk është mirë, sërish është si çështja e vdekjes: Të thotë doktori ke tre muaj jetë, por ti nuk e di nëse do vdesësh të mërkurën në orën pesë apo të martën në orën dy të mëngjesi. Ti nuk je kurrë e përgatitur për vdekjen, siç nuk je e përgatitur për ditën që realisht e sheh që u trondit themeli, plasi tërmeti dhe nuk ke çfarë të bësh më. Do kthehesh prapë të nesërmen, por nuk e vazhdon dot më se nuk ka krisje, ka çarje të mëdhaja, hendeqe”