Sara Gjordeni, e përjashtuar nga “Big Brother Vip Albania”, ka dhënë deklarata pas daljes nga emisioni . Ajo foli për herë të parë për marrëdhënien me boksierin, Jurgenin, duke sqaruar se ata u ndanë pesë muaj më parë, por mbajtën kontakt për një kohë. Sara tregoi se ata nuk flisnin çdo ditë dhe se statusi i Jurgenit në rrjetet sociale ishte ndryshuar. Ajo gjithashtu shprehu se nuk kishin bërë asnjë premtim për njëri-tjetrin.

Jemi ndarë pesë muaj përpara se të futesha në Big Brother, por kemi mbajtur kontakt për inerci. Nuk flisnim çdo ditë. Ai status zyrar nuk ishte më. Dronin, e mora vesh se kush e ka dërguar dhe nuk e ka dërguar ai. Unë kam pasur kontakt dhe i thosha që nuk kam për të gjetur dikë tjetër dhe ai më thoshte ‘nëse del single unë do jem duke të të pritur’. Nuk bëmë asnjë premtim”, tha Sara.

Sara u përjashtua nga emisioni pas një incidenti ku ajo pengoi forcësisht Françeskën brenda tualetit. Debati mes tyre u përkeqësua pas ofendimeve të shkëmbyera për ditë të tëra. Pas vendimit për përjashtimin, Sara kërkoi të takonte vetëm Meritonin dhe Bardhin.

Ndërsa u largua nga emisioni, ajo u përball me emocione të forta, duke ikur pas mbi 50 ditësh qëndrim në shtëpi, një periudhë e ndjekur nga publiku në Shqipëri. Pas incidentit në tualet, Françeska tha se kujtoi kohët e bullizmit që përjetoi si adoleshente.