Gjatë një bisede në shtëpinë e Big Brother VIP Albania, Danja Koka ka ndarë një detaj të panjohur më parë për publikun në lidhje me punën e saj. Përtej modelingut, ajo ka zbuluar se është e punësuar si specialiste në Bashkinë e Tiranës.

“Unë jam në zyrë, punoj në zyrë. Jam specialiste te Bashkia e Tiranës”, tha Danja gjatë bisedës me Gjestin, duke surprizuar ndjekësit e formatit.

Deklarata e saj ka tërhequr vëmendjen e publikut, pasi shumë nuk ishin në dijeni të angazhimit të saj profesional përtej botës së modelingut. Kujtojmë se Bashkia e Tiranës ka një numër të madh punonjësish, rreth 6 mijë, përfshirë edhe institucionet në varësi, dhe shpesh është raportuar se edhe personazhe të njohur publikisht janë të përfshirë në listën e pagave të saj.