Deputetja e Partisë Demokratike, Jorida Tabaku, ka shprehur kundërshtimin e saj ndaj ligjit për pronat, duke e cilësuar atë si një mjet për të favorizuar biznesmenët në vend të qytetarëve të thjeshtë.

Tabaku ka theksuar se ky ligj nuk ka përfitime për qytetarët, por është në favor të biznesmenëve. Ajo ka shfaqur shqetësimin e saj për rastet e konfiskimeve të pronave të individëve të ndryshëm, duke përmendur një rast të fundit të një ish-drejtori policie, ku prona e tij u konfiskua, duke shkuar në një vlerë prej 10 milionë eurosh.

“Sa kohë duhet një shqiptar të arrijë një pasuri të tillë me punë të ndershme? Ky nuk është rasti i parë dhe as i vetëm. kemi shembuj që tregojnë fabulën e një korrupsioni të ngritur në sistem,” tha Tabaku.

Ajo gjithashtu kritikoi mënyrën e zhvillimit të ligjit, duke e akuzuar për anashkalim të konsultimeve publike dhe për të qenë në favor të biznesmenëve. Tabaku e krahasoi ligjin me disa ligje të tjera, duke theksuar se ky është ligji i 18-të që kap shtetin dhe se shpesh propozimet ndryshojnë nga një rregullim burokratik në një transferim ligjor.