Minneapolis – Bryan Hooper Sr., një burrë nga Minneapolis, ka dalë nga burgu pas 27 vitesh, pas zbulimit se ishte dënuar padrejtësisht për vrasjen e 77-vjeçares Ann Prazniak në vitin 1998.

Ngjarja kishte tronditur qytetin, pasi trupi i Prazniak u gjet brenda një kuti kartoni në apartamentin e saj. Në gjyqin që shpalli Hooper-in fajtor, dëshmitarja kryesore ishte Chalaka Young. Së fundmi, ajo rrëfeu se ajo kishte kryer vrasjen, duke rrëzuar kështu gjithë akuzat kundër Hooper-it.

Pas rrëfimit, Prokuroria e Qarkut Hennepin dhe Njësia për Integritetin e Dënimeve punuan për lirimin e tij. Një gjyqtar anuloi dënimin dhe e shpalli Hooper-in të pafajshëm. Familja dhe avokatët e tij nuk hoqën dorë kurrë nga kërkimi i drejtësisë, duke ndjekur çdo mundësi për rivlerësimin e çështjes.

Prokurorja Mary Moriarty theksoi: “Është detyrë e shtetit të korrigjojë gabimet. Ky rast tregon rëndësinë e rivlerësimit të dënimeve të dyshimta.”

Hooper, i cili gjatë gjithë viteve ruajti dinjitetin dhe shpresën, tashmë është liruar dhe ka nisur një jetë të re jashtë qelisë, duke u rikthyer te familja dhe komuniteti i tij.