Një konflikt mes dy familjeve ka përfunduar me plagosjen e dy personave mesditën e kësaj të diele në lagjen 15 të qytetit bregdetar të Durrësit.

Sipas burimeve zyrtare nga policia, dy familjet janë fqinjë dhe konflikti ka shpërthyer papritur, duke sjellë përdorimin e mjeteve të forta dhe thikave.

Të plagosurit janë dërguar menjëherë në Spitalin e Durrësit, ku njëri ka pësuar lëndime nga një thikë, ndërsa tjetri nga goditje me sende të forta. Gjendja e tyre shëndetësore nuk është bërë ende e ditur.

Policia ka nisur ndjekjen e autorit, i cili është larguar menjëherë nga vendi i ngjarjes. Hetimet vijojnë për zbardhjen e plotë të shkaqeve të konfliktit dhe për identifikimin e personave të përfshirë.