Gjykata e Shkodrës ka dhënë vendimin për tre të dyshuar të grupit kriminal Bajri, lidhur me ngjarjen e 3 qershorit 2024, ku viktima Vladimir Bruçi u dhunua me sende të forta për një vendparkim.

Izmir Sakicaj u shpall fajtor për akuzat “Prishja e qetësisë publike” dhe “Armëmbajtje pa leje” dhe u dënua me 4 vite burgim, të cilat u reduktuan në 2 vite e tetë muaj për shkak të gjykimit të shkurtuar.

Ndërkohë, Samuel Troshani dhe Arlind Kajoshi u dënuan për të njëjtat akuza me 16 muaj burgim secili.

Vendimi vjen pas hetimeve për sulmin ndaj Bruçit, që tronditi komunitetin lokal dhe nxori në pah aktivitetin kriminal të grupit në zonën e Shkodrës.