Drejtori i Policisë së Tiranës Lorenc Panganika ka dalë në një konferencë për mediat për të folur rreth një depoje për modifikimin e armëve të zbuluar në Yzberisht.

Ai tha se janë arrestuar 2 persona, konkretisht Elvis Bakalli dhe dorian Kalo. Sipas mpolicisë armët siguroheshin nga persona me precedentë kriminal ndërsa do të përdoreshin për ngjarje kriminale.

“Jemi sot për të bërë prezent finalizimin e një operacioni të finalizimin e policisë së Tiranës që ka të bëjë me tregtimin dhe prodhimin e armëve. Në një operacion të koduar silent është goditur një bazë ku prodhoheshin armë zjarri dhe modifikoheshin.

Ditën e djeshme në bazë të informacioneve në një banesë në Mëzës u zbulua aktiviteti kriminal. Si rezultat u bë e mundur arrestimi i Elvis Bakallit, 30-vjeç, Dorian Kalo 45-vjeç.

Dje u ushtrua kontroll në banesën e Elvis Bakallit. Në një ambient brenda banesës u konstatuan makineri dhe mjete te tjera pune që shërbenin për modifikimin e armëve të zjarrit dhe prodhimin e silenciatorëve për këto armë zjarri. Në momentin e ndërhyrjes së policisë janë gjetur dy shtetasit e mësipërm duke punuar.

Në vijim të kontrolleve të ushtruara në automjet që përdorej nga Elvis Bakalli janë gjetur tetë pistoleta, tre automatikë, katër gjurmues, pjesë të ndryshme armësh dhe makineri që shërbenin për modifikimin e armëve të zjarrit, një sasi parash dhe një automjet. Këto prova do dërgohen për ekzaminime të mëtejshme. Armët siguroheshin nga persona me të shkuar kriminale dhe shiteshin për kryerjen e veprave penale kundër personit”, tha ai.