Deputetja demokrate Ina Zhupa ka bërë një apel në rrjetet sociale drejt Ministrisë së Arsimit për të siguruar shpërblimin e fundvitit për mësuesit e sistemit parauniversitar. Zhupa vlerëson se ky shpërblim është një e drejtë e fituar nga kontrata kolektive e nënshkruar me sindikatat e arsimit më 6 qershor 2023. Ajo shprehet se mësuesit janë keqpaguar dhe shpërfillur në të drejtat e tyre, duke theksuar se kjo është një nga arsyet e dështimit të sistemit arsimor dhe rezultateve të dobëta në testin PISA. Zhupa bën thirrje për një reagim të shpejtë dhe për zbatimin e kontratës kolektive në fjalë.
Postimi i plotë i Zhupës:
Jepini shpërblimin e fundvitit mësuesve të sistemit parauniversitar, e keni detyrim!
Në prag të mbylljes së vitit Ministria e Arsimit ka detyrimin të jap shpërblim për rreth 30 mijë mësues në sistemin parauniversitar.
Kjo është një drejtë e fituar nga kontrata kolektive e punës e nënshkruar mes Ministrinë e Arsimit dhe Sportit dhe Sindikatës së mësuesve. Neni 10 i kontratës kolektive e cila është firmosur më 6 qershor 2023 me sindikatat e arsimit dhe Ministrinë e Arsimit, përcakton se punëdhënësi u njeh të drejtën e fituar për shpërblim vjetor të mësuesve në arsimin publik.
Mësues të keqpaguar, mësues të shpërfillur në të drejtat e tyre, janë nga arsyet themelore e dështimit të sistemit arsimor dhe rezultateve turpëruese në testin PISA.
Duhet reagim i shpejtë duke e cuar vëmendjen dhe paratë tek arsimi, jo për prokurime dhe zyrat e ministrisë por për mësuesit dhe nxënësit. Kontrata e moszbatuar duhet çojë në padi për ministren e arsimit Manastirliu.
