Në një pamje që shkaktoi vëmendje, ish-ministri i Shëndetësisë, Ilir Beqaj, u pa të dalë nga dyert e SPAK me një kuti të mbushur me akte në dorë, ndihmuar nga avokati i tij. “Derisa dosja është e madhe”, tha Beqaj për gazetarët e pranishëm.

Kjo ngjarje vjen pasi SPAK vendosi të dorëzonte 700 fashikuj të dosjes së sterilizimit në GJKKO për vlerësimin e tyre. Hetimet për këtë çështje kanë qenë nën përgjegjësinë e prokurorëve Edvin Kondili dhe Ened Nakuçi. GJKKO do të vendosë nëse dosja do të kalojë për gjykim apo do të kthehet në SPAK për hetime të mëtejshme.

SPAK mbylli hetimet për koncesionin e sterilizimit më 18 mars 2024 dhe njoftoi akuzat për 8 persona të tjerë, duke përfshirë zv.ministrin Klodian Rjepaj dhe biznesmenin Ilir Rrapaj. Ilir Beqaj akuzohet për “shpërdorim detyre” për miratimin e kontratës së koncesionit të sterilizimit në kundërshtim me ligjin.

Hetimet kanë zbuluar shkelje të ligjit në procedurat e dhënies së koncesionit, me qëllim të favorizimit të kompanive të Ilir Rrapajt dhe shtetasit Italian, Umbro Staccini.

Përveç kësaj, në shkurt u vendos sekuestro edhe ndaj disa aseteve të Rrapajt, duke përfshirë llogari bankare, makina, dhe një apartament në Vlorë.