Rozeta Dobi ka zbardhur dëshminë e saj në banesën e të cilës u gjetën 500 mijë euro. Duke kërkuar mëshirë, ajo ka deklaruar se ish-zyrtarja Alda Klosi i kishte kërkuar të mbante lekët, pasi pretendonte të fajësonte bashkëshortin e saj për vjedhje.

“Shpreh pendesë për atë që ka ndodhur. Kërkoj mëshirë, kërkoj falje. Shumën e parave më dha Alda Klosi për t’i mbajtur disa kohë në shtëpinë time, më pas t’i ktheja. Kam punuar gjithë jetën me punë të ndershme, jo për të bërë vjedhje.
Klosi më tha të mbaja lekët, sepse donte të fajësonte bashkëshortin për vjedhje.”

Pastruesja Rozeta Dobi ka folur edhe për unazën, të cilën eksperti i kriminalistikës, Ervin Karamuço, pretendoi se i ishte vjedhur nga Dobi gjatë kohës që ajo punonte si pastruese në banesën e tij.

“Nuk kam lidhje fare me të,” ka thënë ajo në gjykatë.