Zbardhen detaje nga mbledhja e Grupit Parlamentar të Partisë Socialiste, e zhvilluar në Kryesinë e Kuvendit. Sipas burimeve, diskutimet për projektbuxhetin e vitit 2025 do të nisin brenda datës 5 nëntor, duke vendosur fokusin në prioritetet dhe synimet e qeverisë për vitin e ardhshëm.

Gjithashtu, janë publikuar datat për turet ndërkombëtare të kryeministrit Edi Rama, të cilat përfshijnë takime me emigrantët shqiptarë në Greqi dhe Britani. Burimet bëjnë të ditur se Rama do të zhvillojë një takim me bashkëatdhetarët në Greqi këtë fundjavë, më 3 nëntor, në Selanik. Më tej, një takim tjetër do të zhvillohet më 24 nëntor në Londër, ku kryeministri pritet të diskutojë në kuadër të zgjedhjeve të ardhshme parlamentare.