Detaje të reja  nga zhdukja e dy shoqeve 16-vjeçare që prej 1 janarit të këtij viti në Tiranë.

Vajzat u larguan mëngjesin e dy ditëve më parë nga banesat e tyre dhe u kanë thënë familjarëve se do takojnë njëra-tjetrën.

Secila prej tyre u kanë thënë prindërve se do shkonin tek njëra-tjetra.   Ndërkohë, pas dreke prinderit i kanë marrë në telefon dhe te dyja i kan pasur të fikur. Sipas informacioneve të para vajzat kanë marrë me vete para dhe kartat e identitetit.

Prindërit e vajzave kanë pritur deri në mbrëmje dhe mëngjesin e 2 janarit kanë bërë kallëzimin në komisariat.

Efektivët kanë marrë të dhënat e tyre dhe kanë nisur menjëherë punën për gjetjen e tyre, megjithatë deri më tani nuk ka asnjë të dhënë lidhur me to. Nuk dihet nëse vajzat kanë arritur që të dalin nga Shqipëria, gjë që do të verifikohet me anë të sistemit TIMS.

Sipas verifikimeve të kryera deri më tani nga Policia, rezulton se për herë të fundit vajzat janë parë në ‘’Qytet Studenti’’.