Detaje të reja janë zbardhur lidhur me aksidentin tragjik në të cilin humbën jetën katër të rinjtë në rrugën Vorë-Fushë Krujë. Sipas burimeve për ABC News, pamjet e kamerave të sigurisë tregojnë se automjeti Mercedes, ku ndodheshin viktimat, ka kryer një parakalimi të dy kamionëve që lëviznin në rrugë, dhe më pas është kthyer në karrexhatë, duke u përplasur me betonieren e ndaluar.

Burimet tregojnë se shoferi 24-vjeçar i mjetit ka rrëfyer gjatë hetimeve se sapo ka hyrë në rrugën kryesore, makina është fikur për shkak se i kishte mbaruar nafta. Ai ka provuar ta ndezë disa herë, dhe më pas ka shkuar në një karburant aty pranë për të marrë naftë. Sipas tij, ai kishte harruar të ndezë bllokazhin e makinës.

Grupi hetimor ka konfirmuar se përplasja ka qenë e fortë dhe ka ndodhur për dy arsye: shpejtësia e lartë, dhe mungesa e fushëpamjes, pasi mjeti kishte parakaluar dhe nuk e pa betonieren e ndaluar. Sipas policisë, në momentin e përplasjes, automjeti ka qenë me shpejtësi rreth 170 km në orë.