Vrasja tragjike e 22-vjeçares shqiptare, Ilaria Sula, ka sjellë në dritë detaje të reja që përfshijnë një djalë që ajo kishte njohur në aplikacionin Tinder. Mediat italiane raportojnë se ky djali u përmend nga Mark Antony Samson, i dyshuari për krimin, si personi me të cilin Ilaria kishte kaluar natën, për të kamufluar krimin.

Djali ka deklaruar se kishte pasur disa biseda të shkurtra me Ilarian përmes mesazheve, por nuk kishte kurrë komunikim të drejtpërdrejtë me të dhe asnjë takim personal. Ai ka treguar se pas ngjarjes, shoqet e Ilarian e kontaktuan, duke e përfshirë atë në ngjarjen e tmerrshme, për të cilën ai pohon se nuk kishte asnjë lidhje.

Sipas tij, Ilaria i kishte treguar se ishte duke kaluar një periudhë ndarjeje nga një lidhje dhe se biseda mes tyre ishte mjaft e thjeshtë. Ai gjithashtu theksoi se pasi ishte kontaktuar nga shoqet e saj, e kuptoi se dikush kishte tentuar ta përfshinte në krim.

Ka qenë një njohje në fillim. Ne folëm pak dhe ajo më tregoi se ishte duke u ndarë nga një lidhje. Por vetëm kaq. Më pas, shoqet e Ilarias më telefonuan. Aty e kuptova që dikush u përpoq të më përfshinte dhe mua”, u shpreh i riu.

Vrasja e Ilaria Sulës, e kryer nga ish-i dashuri i saj, Mark Antony Samson, është një akt tragjik. 23-vjeçari filipinas e vrau 22-vjeçaren në shtëpinë e tij, më pas e fshehu trupin e saj në një valixhe dhe e hodhi në një zonë pyjore jashtë Romës. Ai përdori telefonin e Ilarian për të hequr gjurmët e krimit, duke u bërë kalimtari i saj dhe duke u treguar shoqeve se ajo kishte shkuar pranë Napolit tek një djali tjetër.

Ky krim ka tronditur opinionin publik, dhe hetimet po vazhdojnë për të zbuluar të gjitha rrethanat e ngjarjes dhe për të siguruar drejtësi për jetën e humbur në mënyrë të dhunshme.