Një ngjarje dramatike ka ndodhur në fshatin Gruemirë, në Malësinë e Madhe, ku tre vëllezër janë përballur me hajdutë të armatosur, duke vënë në rrezik jetën e tyre për të parandaluar vjedhjen e banesave.

Mirsad, Besim, dhe Edison Kurtaj kanë identifikuar dhe debatuar me dy hajdutët e dyshuar, të cilët, sipas policisë, kanë qëlluar disa herë me armë në ajër gjatë largimit.

Pas hetimeve dhe dëshmive të marra, policia ka identifikuar autorët si 22-vjeçarin E.V. nga fshati Hot i Ri dhe 27-vjeçarin R.Z. nga fshati Shtoj i Vjetër.

Në vendin e ngjarjes, policia ka gjetur dhe sekuestroi 4 gëzhoja arme, të cilat do të shqyrtohen në laboratorin e policisë kriminale në Tiranë për të përcaktuar nëse janë përdorur në ngjarje të tjera kriminale.

Në lidhje me këtë ngjarje, është ngritur akuza për “kanosje me armë” ndaj autorëve, si dhe për “mbajtje pa leje të armëve dhe municioneve”. Megjithatë, policia ende nuk ka mundur t’i lokalizojë dhe arrestojë dy personat e dyshuar.