Detaje të reja kanë dalë nga ngjarja e rëndë në zonën e Vago di Lavagno, në Verona, ku një burrë qëlloi për vdekje gruan dhe plagosi rëndë djalin e tyre. Mediat italiane raportojnë se 15-vjeçari u përpoq të mbronte nënën nga plumbat, por mbeti i plagosur rëndë. Për shkak të gjendjes kritike, ai u transportua me urgjencë në një spital të specializuar me ndihmën e një helikopteri.

Ndërkohë, 58-vjeçarja nuk mundi t’i mbijetojë plagëve të marra nga të shtënat. Fqinjët, të tronditur nga të shtënat, njoftuan menjëherë policinë, e cila arriti shpejt në vendin e ngjarjes dhe rrethoi zonën.

Autoritetet kanë arrestuar menjëherë autorin e krimit dhe janë duke punuar për të zbardhur shkakun që çoi në këtë tragjedi të tmerrshme.