Ngjarja e rëndë e vdekjes së 26-vjeçares shqiptare Anila Grishaj në Itali ka shtuar detaje të reja dhe pistat hetimore janë zgjeruar. Pas 1 muaji nga ngjarja, Prokuroria po heton dy hipoteza: një mosfunksionim i sistemit të sigurisë ose një gabim njerëzor mund të jenë shkaqet e vdekjes së punëtores.

Hipoza e dytë fokusohet në një gabim njerëzor, ku Anila mund të ketë dhënë komandën e rinisjes ndërsa ishte shumë pranë pajisjes, duke shkaktuar aksidentin tragjik. Hipoza e parë sugjeron një mosfunksionim të sistemit të sigurisë që nuk ka sinjalizuar praninë e një personi pranë krahut mekanik, duke përfunduar në një aksident të rëndë.

Pas ngjarjes, Prokuroria ka hapur një hetim për vrasje nga pakujdesia dhe ka sekuestruar makinerinë për të lejuar ekspertët të kryejnë kontrollet e nevojshme. Hetime të mëtejshme do të përfshijnë edhe analizën e pamjeve të kamerave për të zbuluar detaje të tjera rreth momentit të aksidentit dhe përgjegjësisë së mundshme të ndonjë palëjeje në ngjarje.

Ngjarja ka tronditur opinionin publik dhe hetime të hollësishme janë të domosdoshme për të sqaruar shkaqet dhe për të ndëshkuar përgjegjësit nëse konstatohen shkelje të rregullave dhe procedurave të sigurisë në vendin e punës.