Tre fëmijët që akuzohen për vrasjen dhe varrosjen e babait, Pëllumb Meta, do të dalin para gjykatës së Durrësit. Detaje të reja dalin nga dosja hetimore, duke rrëzuar versionin e një fejese të padëshiruar nga vajza, Hygerta Meta. Të pyetur nga policia, ata pranojnë se pavarësisht dëshirës për të lidhur krushqi me familjen Meta, i ati ua kishte bërë të qartë se krushqia nuk mund të bëhej pasi vajza do të vazhdonte shkollën dhe nuk kishte plane për ta fejuar.

Ndërkohë, nëna e tyre, Blerina Meta, është nën hetim me dyshim se ka kryer veprime që kanë penguar zbulimin e së vërtetës. Ajo vazhdon ta mohojë dijeninë për ngjarjen, por dëshmia tregon se kur ka ardhur në shtëpi, u trondit nga ajo që kishin bërë fëmijët. Ata dyja, bashkë me vëllezërit, kanë pastruar vendin dhe divanin nga gjaku, duke ngjitur divanin në katin e dytë dhe duke u marrë me groposjen e trupit të viktimës.

Kur mami u kthye në shtëpi u trondit nga ajo që kishim bërë. Të dyja qëndruam në shtëpi dhe pastruam vendin dhe divanin nga gjaku, aty ku vëllai qëlloi babanë. Ne e ngjitëm divanin në kat të dyte, ndërsa dy vëllezërit u morën me groposjen e trupit”.