Një ngjarje e rëndë ka ndodhur në fshatin Vranisht të Devollit, ku një 30-vjeçar është gjetur i pajetë në banesë nga familjarët e tij. Viktima vuante nga epilepsia, ndërsa ende nuk dihen shkaqet e sakta të vdekjes.

Policia dhe grupi hetimor ndodhen në vendngjarje dhe kanë nisur hetimet për të zbardhur rrethanat e ngjarjes. Ndërkohë, trupi i pajetë i të riut do të dërgohet në morg për ekspertizë mjekoligjore, e cila do të përcaktojë shkakun e vdekjes.

Autoritetet pritet të dalin me një raport zyrtar pas përfundimit të ekzaminimeve mjekësore.