Shefja e Seksionit kundër Dhunës, Klodiana Allmuça, ka bërë një deklaratë në një studio televizive duke rrëfyer për tmerrin në Tiranë, ku një 35-vjeçar kishte të mbyllur nënën, gruan dhe vajzën e tyre. Allmuça shpjegoi se policia kishte informacione mbi autorin, Jetnor Zhaboli, se ai ushtronte dhunë ndaj bashkëshortes, por kur janë thirrur në komisariat, gruaja nuk e ka pohuar, por ka deklaruar se është e dashuruar me bashkëshortin.
“Kemi pasur informacion që ai ushtronte dhunë ndaj bashkëshortes, janë thirrur në komisariat dhe gruaja ka deklaruar se do bashkëshortin. Kjo ka ndodhur pak ditë para publikimit të ngjarjes. Rasti ka qenë në monitorim, dhe kur janë dëgjuar zëra, patrulla e policisë ka shkuar në banesë. Kemi marrë zotin Jetnor, i cili më pas ka hapur derën e banesës. Menduam se ishte konflikt në familje, janë pyetur të dyja palët dhe askush nuk u shpreh se kishte dhunë”, tha Allmuça.
