Në Kuvend po zhvillohet diskutimi për marrëveshjen e Republikës së Shqipërisë me Organizatën Ndërkombëtare të Policisë Kriminale – INTERPOL, në lidhje me Privilegjet dhe Imunitetet për Konferencën e 51-të Rajonale Evropiane, e cila do të mbahet në Shqipëri nga data 11 deri më 13 qershor 2024.

Deputeti i Partisë Socialiste, Nasip Naço, shprehu gëzimin për zhvillimin e konferencës në Tiranë dhe theksoi se pritet të marrin pjesë rreth 50 delegacione.

“Lajm i mirë që INTERPOL-i organizon një konferencë në Tiranë. Prania e rreth 50 delegacioneve është shumë inkurajuese. Më lejoni të ndaj konsideratat e mia për këtë konferencë,” u shpreh ai në seancën e Kuvendit.