Drejtuesi Politik i Partisë Socialiste për qarkun e Fierit, Taulant Balla së bashku me kryetaren e bashkisë Lushnje, Eriselda Sefa zhvilluan sot një takim me qytetarë të komuniteti Rom në Lushnje.

Në fjalën e tij Balla theksoi se përkujesja për familjet e këtij komuniteti do të vazhdojmë të përmirësohet edhe më tepër si me programet sociale ashtu edhe në rikonstruksionin e banesave.

“Flamuri i romëve simbolizon kombinimin me natyrën, qiellin dhe mobilitetin ndër shëkuj të këtij komuniteti. Puna jonë duhet të jetë më e madhe për këtë komunitet në mënyrë që të integrohet ky komunitet akoma më shumë, sidomos në dijet e fëmijëve në këtë komunitet, ku arsimimi do të marr një prioritet akoma më të madh ku të gjithë qytetarët e kësaj shoqërie duhet të jenë të barabartë. Vlerat e Partisë Socialiste janë barazia sociale, solidariteti, përkrahja dhe përkujdesi janë të rëndësishme dhe këto vlera janë udhërrëfyesi ynë në mardhënie me ju. Ju jeni të barabartë me të gjithë shoqërinë dhe përkrahja jonë për ju do të jet më e madhe.