Influencerja dhe ish-banorja e Big Brother VIP Albania, Sara Berisha, ka festuar ditëlindjen mes urimesh të shumta nga familjarë, miq dhe fansa, por festa e saj nuk kaloi pa polemika.

Ajo që tërhoqi më shumë vëmendje ishte mungesa e një urimi publik nga DJ PM, partneri i saj prej kohësh. Ndërkohë që rrjetet sociale të Sarës u mbushën me komente dhe mesazhe dashurie, ndjekësit vunë re heshtjen e tij, duke ngritur pikëpyetje mbi marrëdhënien e çiftit.

Situata u bë edhe më e dyshimtë pasi DJ PM publikoi në Instastory foto nga një udhëtim në Amsterdam, duke lënë të kuptohet se nuk ishte pranë Sarës në ditën e saj të veçantë. Ky veprim është interpretuar nga shumë ndjekës si një shenjë ndarjeje mes tyre.

Komentet në rrjete sociale u ndanë mes mbështetësve të Sarës, që e inkurajuan të shijojë ditën e saj, dhe atyre që janë të bindur se marrëdhënia me DJ PM ka marrë fund.

Megjithatë, Sara ka preferuar të mos i përgjigjet këtyre spekulimeve, duke zgjedhur të ndajë vetëm momente të gëzuara nga festa e saj dhe falënderime për urimet e marra.