Ministrja e Shëndetësisë Ogerta Manastirliu ka vizituar ditën e sotme Insitutin e Shëndetit Publik,ku ruhen sipas standardeve teknike vaksinat antiCOVID dhe nga ku po bëhet shpërndarja në të gjithë territorin.

Drejtoresha e Institutit të Shëndetit Publik, Albana Fico tha se vaksina kineze është një dozëshe.

“Vaksinat i morëm, janë vaksina një dozëshe. Rruhen në +2 deri ne +8. Si rregull në të gjitha rastet, kemi vërejtur  që nuk ka pasur asnjë problematike gjatë transportit. Jemi gati ditën e djelë të fillojmë masivishit”

Manastirliu tha se nga dita e sotme do të fillojë shpërndarja e dozave në gjithë Shqipërinë dhe gjithashtu u shpreh se sot nis edhe vaksinimi  i të moshuarve.

“Sot fillojmë më të moshuarit. 5 mijë të moshuar do të vaksinohen me Sputnik. Nga dita e diele në do të vazhdojmë me fushatën tonë, duke bërë vaksinimin masiv të grupmoshave +70 dhe sipër. Nga sot do të fillojë shpërndarja në të gjithë vendin dhe do të mobilizohen të gjitha forcat tona të vaksinatorëve, janë 1100 vaksinatorë dhe ndihmës. Në pika të caktuara do të kemi edhe një vaksinim masiv, me çadra dhe Forcat e Armatosur për të siguruar që të kemi një mbarëvajtje të mirë dhe të shpejtë”.