Kandidati republikan për president të Shteteve të Bashkuara të Amerikës, Donald Trump, ka reaguar ndaj mbështetjes publike që këngëtarja Taylor Swift ka shprehur për kandidate demokratike Kamala Harris. Pas deklaratës së Swift në Instagram, ku ajo shprehu mbështetje për Harris në përballjen e saj me Trumpin, ky i fundit ka sugjeruar se këngëtarja 34-vjeçare mund të përballet me pasoja në karrierën e saj muzikore.
“Ajo (Taylor Swift) është person shumë liberal, gjithmonë duket se mbështet një demokrat dhe ndoshta do të paguajë çmimin për këtë në treg,” ka thënë Trump, sipas raportimeve nga The Guardian. Këto komente nga Trump sugjerojnë se ai beson se mbështetje e Swift për Harris mund të ketë ndikime negative për të në industrinë e muzikës.
