Ish-Presidenti Donald Trump ka postuar një foto në rrjetin e tij Truth Social, ku e krahasoi veten me ikonën e muzikës Elvis Presley, duke theksuar ngjashmëritë që shumë njerëz kanë thënë se ekzistojnë mes tij dhe legjendës së muzikës rock’n’roll. Ky krahasim nuk është i ri, pasi Trump kishte postuar po këtë foto edhe në Instagram vitin e kaluar, ku shkruante: “Për kaq shumë vite njerëzit kanë thënë se unë dhe Elvis ngjajmë. Tani kjo foto është përhapur në të gjithë vendin. Çfarë mendoni?”
Më herët, Trump e kishte krahasuar fotografinë e tij të famshme, që daton nga arrestimi i tij në gusht 2023, me ato ikonikë të Frank Sinatra dhe Elvis Presley, duke e cilësuar atë si “fotografinë më të bukur të tillë e bërë ndonjëherë”. Po ashtu, Trump ka bërë krahasime të tjera të diskutueshme, përfshirë ato me Nelson Mandelan dhe Nënën Terezë, duke ngjallur reagime të ndryshme.
