Ish-presidenti amerikan Donald Trump ka përjashtuar mundësinë e kandidimit përsëri në zgjedhjet presidenciale të 2028-ës në rast se humbet në zgjedhjet e ardhshme të nëntorit. Ai shprehu qartë këtë qëndrim në një intervistë për “Full Measure”, duke thënë: “Jo, nuk e bëj. Unë nuk e shoh fare këtë mundësi.”

Megjithatë, Trump shpreson të jetë i suksesshëm në zgjedhjet e 5 nëntorit, ku është në garë me kandidatin demokrat, nënpresidenten Kamala Harris. Fushata e tij përfshin shtetet kryesore që shpesh vendosin rezultatin në zgjedhjet amerikane.

Partia Demokratike ka parë një ringjallje të mbështetjes pas tërheqjes së Presidentit Joe Biden si kandidat në korrik, pas një debati të dështuari ndaj Trump. Isha presidenti humbi ndaj Bidenit në vitin 2020, por refuzoi të pranojë rezultatin, duke deklaruar se zgjedhjet ishin “të vjedhura” dhe duke nxitur teoritë e konspiracionit.

Situata përshkallëzoi më tej më 6 janar 2021, kur mbështetësit e Trump sulmuan Kapitolin e SHBA, në një përpjekje për të ndaluar certifikimin e rezultatit të zgjedhjeve, një ngjarje që u nxit nga pretendimet e tij.