Në kuadër të hetimeve të zhvilluara mbi organizatat kriminale që trafikun droga ndërkombëtarisht mes Greqisë, Shqipërisë dhe Spanjës, janë zbuluar të paktën 47 përdorues të platformave të kriptuara, “Sky ECC” dhe “Encrochat”, të cilët mbeten ende të paidentifikuar. Këta përdorues dyshohet se janë të përfshirë në aktivitete të ndryshme kriminale që lidhen me trafikun e drogës dhe pastrimin e parave.

Dy përdorues të platformës “Sky ECC” janë identifikuar si furnizues të rëndësishëm të lëndëve narkotike për dy grupe kriminale, njëri i drejtuar nga Aleksandër Pando dhe tjetri nga Denis Grabocka dhe Andon Salati. Po ashtu, një tjetër përdorues i platformës “Encrochat” është identifikuar si ndërmjetës në transferimin e shumave të mëdha parash përmes sistemit të njohur si “Hawala”, duke përdorur një dyqan në rrugën “Axarnon nr.101” në Athinë.

Hetuesit dhe autoritetet greke janë në procesin e lidhjes së kodave të këtyre përdoruesve me emrat e tyre të vërtetë, për të mundësuar identifikimin dhe ndjekjen penale të tyre. Kjo është pjesë e një hetimi të gjerë që ka çuar në dhjetëra arrestime dhe që po synon shkatërrimin e grupeve të trafikut të drogës që operojnë në rajon.